RC Akiapishwa

Dk. John Pombe Magufuli akimuapisha Mkuu wa Mkoa wa Arusha ,Mhe. Mrisho Gambo.

Ziara ya Waziri Mkuu wa Tanzania

Mhe. Mrisho Gambo akiwa na Waziri Mkuu, Mhe. Majaliwa Kassim Majaliwa Ofisini kwake, Jijini Arusha.

JPM ,Mrisho Gambo Picha ya Pamoja

Dk. John Pombe Magufuli akipiga picha ya pamoja na mkuu wa Mkoa wa Arusha Mrisho Gambo.

Samia Suluhu Hassan akiwasili Jijini Arusha

Mkuu wa Mkoa Arusha, Mhe Mrisho Gambo Akimpokea Makamu wa Rais Mhe. Samia Suluhu Hassan.

Picha ya Pamoja

Mhe. Mrisho Gambo akiwa na Waziri Mkuu, Mhe. Majaliwa Kassim Majaliwa.

Tuesday, September 25, 2018

TATIZO LA KUPOTEZA KUMBUKUMBU NI UGONJWA NA SIO KAWAIDA KWA WAZEE




Mkoa wa Arusha kwa mara ya kwanza umeweza kuadhimisha siku ya ugonjwa wa kupoteza kumbukumbu kwa wazee wenye umri kuanzia miaka 60 zoezi hili limefanyika katika hospitali ya mkoa Mt.Meru.

Akitoa taarifa ya maadhimisho hayo yaliambatana na upimaji wa magonjwa mengine kama Kisukari, Presha na Uzito, mwanasaikolojia kutoka hospitali ya Mkoa Mt.Meru bwana Ssenku Shafic Mohamed, amesema zoezi hilo limechukua mda wa wiki nzima.

Na lengo kubwa lilikuwa nikuwapima wazee wenye umri kuanzia miaka 60 na kuendelea ili wajitambue hali yao ya kumbukumbu na magonjwa mengine yasiyoambukiza kama Kisukari,Presha na Uzito.

Aidha, kutokana na zoezi hilo bwana Ssenku amesema wameweza pia kugundua magonjwa mengine kama mtoto wa jicho na tezi dume kwa wazee wanaume.

“Katika hali ambayo hatukitarajia tumeweza kugundua pia ugonjwa wa mtoto wa jicho ambapo kati ya wagonjwa 10 waliokuja hapa watatu kati yao walikuwa wamegundulika na tatizo hilo na pia  ugonjwa wa tenzi dume ambapo kati ya wagonjwa 10 wawili wamegundulika na tatizo hilo”.


Amesema wamefanikiwa pia kutoa ushauri wa vyakula sahihi vinavyowafaa wazee na aina ya mazoezi ili kuhakikisha afya zao zinaimarika na wanajikinga na magonjwa mbalimbali hasa la kupoteza kumbukumbu ambalo lina sadikika ni kawaida kwa wazee lakini kitaalamu ni ugonjwa ambao ukipatiwa matibabu mapema hospitali unatibika.

Maadhimisho hayo yanafanyika kila mwaka Septembea 21 duniani na kwa mwaka huu Tanzania kupita mkoa wa Arusha imeadhimisha siku hii kwa mara ya kwanza kwa kushirikiana na nchi nyingine kama vile Mauritius, Nigeria, Zimbabwe, Madasca na Tunisia.

Friday, September 14, 2018

MILIONI 469 ZATUMIKA KATIKA UJENZI WA KITUO CHA FYA

Jengo la kituo cha afya kata ya Mto wa Mbu wilayani Monduli,kilichojengwa na serikali kwa kushirikiana na nguvu za wananchi.



Milioni 469 zimetumika katika ujenzi wa kituo cha afya Mto wa Mbu wilayani Monduli.

Akisoma taarifa ya mradi huo Mganga mkuu wa kituo cha afya Dr. Emma Agostino Msofe, amesema ujenzi wa kituo hicho ulianza mwaka 2017 baada ya serikali kutoa fedha kiasi cha shilingi milioni 400.

Pia fedha nyingine zimetoka halmashuri kiasi cha shilingi milioni 30 na wananchi  wamechangia milioni 39.

Ujenzi wa kituo hicho cha afya unaendelea na mpaka sasa majengo yaliyojengwa ni  jengo la upasuaji, jengo la wazazi,jingo kufulia,nyumba ya utumishi,vyoo vya nje na matenki ya kuhifadhia maji.

Amesema kituo hicho cha afya kitawasaidia wananchi kupata huduma bora za afya na katika mazingira bora.

Nae kiongozi wa mbio za mwenge kitaifa ndugu. Charles Francis Kabeho, amesema wananchi wanatakiwa kukitunza kutuo hicho kwa umakini na pia amewataka watumishi watoe huduma bora na kwa weridi kwa wananchi.


Mwengi wa Uhuru ulianza mbio zake mkoani Arusha Mnamo Septamba 12 katika wilaya ya Ngorongoro kisha wilaya ya Karatu na sasa unaendelea katika wilaya ya Monduli.

Kiongozi wa mbio za Kitaifa ndg. Charles Francis Kabeho, akizundua kituo cha afya cha Mto wa Mbu wilayani Monduli.


Kiongozi wa mbio za Mwenge Kitaifa Charles Kabeho ( mwenye sare ya gwanda) akiwa na viongozi mbalimbali wa wilaya ya Monduli wakitoka kizindua mradi wa kituo cha afya cha mto wa Mbu.


Kiongozi wa mbio za mwenge kitaifa Charles Kabeho akikagua mradi wa kuchakata chakula cha mifugo klatika kijiji cha Mungere kata ya  Esilalei wilayani Monduli.


Thursday, September 13, 2018

MWENGE WILAYANI KARATU

Mkuu wa wilaya ya Ngorongoro Rashid Mfaume Taka akimkabidhi Mwenge wa uhuru mkuu wa wilaya ya Karatu Bi Theresia Mahongo kwa ajili ya kuendelea na majukumu ya mwenge wilayani humo.

Wakwanza kulia ni Mkuu wa wilaya ya Karatu Bi Theresia Mahongo akishuhudia uzinduzi wa nyumba za walimu 6/1 katika shule ya sekondari Baray ujenzi wa nyumba hizo zinakadiriwa kuwa zaidi ya milion 141 kwa ushirikiano na wananchi.

Nyumba mpya ya waalimu 6 by one shule ya sekondari Baray iliyopo wilayani karatu iliyo zinduliwa na Kiongozi wa mbio za mwenge wa uhuru Ndg: Charles F. Kabeho wilayani humo.


Katikati ni kiongozi wa mbio za mwenge wa uhuru Taifa 2018 Ndg:Charles Kabeho akizundua mradi wa shamba la kilimo cha vitunguu katika kijiji Cha Dofa wilayani karatu.



Baada ya kiongozi wa mbio za Mwenge wa uhuru kitaifa Ndg:Charles Francis Kabeho kukamilisha ziara ya mwenge wilaya ya ngorongoro ambapo katika wilaya hiyo miradi 6 imezinduliwa na kiongozi huyo.

Miongoni mwa miradi iliyozinduliwa ni pamoja na mradi wa vyoo chenye matundu 10,bweni la wanafunzi wa sekondari,maabara ya kisasa ya kemia na fizikia katika shule ya nainokanoka,barabara ya kiwango cha changarawe kutoka Eneo la Errikepus mpaka nainokanoka,mradi wa maji safi na salama pamoja josho la kisasa kwa ajili ya mifugo katiaka hiyo na vijiji jirani.

Septemba 13 kiongozi wa mbio za mwenge wa uhuru kitaifa ndg Charles Kabeho anatarajiwa kuzindua na kukagua maendeleo ya miradi zaidi ya 6 kwa kushirikiana na mkuu wa wilaya ya Karatu Theresia Mahongo.

Katika wilaya ya karatu kijiji cha Dofa amezindua mradi wa Kilimo cha vitunguu katika shamba la bonde la Eyasi na kutembelea shamba la muekezaji mzalendo ndg Gilole katika kijiji cha Qang'ded baray.

Shamba hilo lenye zaidi ya hekari zaidi ya 70 limekuwa chachu ya kujiingizia kipato kwa wananchi ambapo kwa mujibu wa taarifa ya mradi huo zaidi ya wananchi 200 wamekuwa wakifanya kazi ndogondogo na kujipatia fedha kwa ajili ya kujikimu katika maisha yao ya kila siku.

Miradi mingine inayo tarajiwa kuzinduliwa na kukaguliwa  ni pamoja na uzinduzi wa nyumba za walimu 6 kwa moja shule ya sekondari Baray,kuzindua kikundi cha vijana katika kampeni ya Tuwalinde vijana wetu,kufungua ofisi ya kijiji kwa ajili ya utoaji huduma.

Thursday, September 6, 2018

MWENGE WA UHURU


Mwenge wa uhuru utawasiri katika mkoa wa Arusha Septemba 12,2018 ukitokea mkoani Mara.
Utapokelewa Olduvai Gorge kata ya Ngoile wilayani Ngorongoro.
Ukiwa katika mkoani wa Arusha utakimbizwa katika halmashauri zote 7 za mkoa.
Mwenge utaanzia kukimbizwa katika wilaya ya Ngorongoro,Karatu,Monduli, Longido,Arumeru na kumalizia Jiji la Arusha.
Mwenge ukiwa katika mkoa wa Arusha utakimbizwa umbali wa kilometa 1,114.9.
Utakagua,kuzindua,kufungua na kuweka jiwe la msingi miradi ipatayo 46 yenye thamani ya kiasi cha shilingi za tz 36,140,912,094.35 (Bilioni thelathini na sita Milioni mia moja Arobaini laki tisa na kumi na mbili na tisini na nne na senti thelathini na tano).
Mwenge utaweka jiwe la msingi miradi 9,4 itafunguliwa,22 itazinduliwa na 11 itakaguliwa katika halmashuri zote.
Mwenge utamalizia kukimbizwa katika wilaya ya Arusha na kukabidhiwa mkoani Manyara Septemba 18,2018 katika wilaya ya Babati.

Wednesday, August 29, 2018

MWANAUME JALI AFYA YAKO, PIMA

Mkuu wa Wilaya  ya Monduli Idd Kimanta (katikati) akiwa na viongozi mbalimbali na wadau wa sekta ya afya katika uzinduzi wa kampeni ya "Furaha Yangu",Meserani wilayani Monduli.

Watakaogundulika wana maambukizi ya virusi vya UKIMWI wanatakiwa kuwaleta wenza wao wapimwe  pia ili waweze kujitambua na kuishi mda mrefu.

Ameyasema hayo Mkuu wa Wilaya ya Monduli  Idd Kimanta kwa niaba ya Mkuu wa Mkoa wa Arusha Mrisho Gambo katika uzinduzi wa kampeni ya upimaji wa virusi vya UKIMWI kwa hiari ijulikanayo kama “FURA YANGU”.

Gambo amesema bado idadi ya wanaume wanaoenda kupima ni ndogo sana ukilinganisha na wanawake, hivyo nguvu za uhamasishaji inaitajika zaidi kwa wanaume.

Ikiwezekana hata kutumia mikusanyika kama sehemu za ibada na maeneo ya starehe ili kuweza kuwapata wanaume wengi na kuwahamasisha wajitokeze zaidi.

Mkuu wa Wilaya ya Monduli Idd Kimanta akikata utepe kuashiria uzinduzi wa kampeni ya Furaha Yangu akiwa na (kulia) ni Mganga Mkuu wa Wilaya Dr. Titus Mmasi, wilayani Monduli.

Pia wataalamu wanatakiwa kuongeza zaidi wigo wa utoaji huduma hii kama kutoa ushauri nasaha na kuwahamasisha wagonjwa wapime kwa hiari.

Akitoa takwimu za hali ya maambukizi kwa mkoa wa Arusha Mganga mkuu wa mkoa Vivian Wonanji, amesema kwa mwaka 2011/2012 hali ya maambukizi imeshuka sana kutoka 3.2% hadi 1.9 kwa mwaka 2017/2018.

Amesema hali hii ni nzuri sana kwa mkoa wetu lakini hatutakiwi kupunguza nguvu hii ya upimaji wa hiari na matumizi ya dawa kwa wagonjwa kwani mpaka sasa waliogundulika na VVU ni 52.2% wenye umri kati ya miaka 15-64 ambapo wanaume ni 45.3%na wanawake ni 55.9%.

Mkuu wa Wilaya ya Monduli Idd Kimanta akipata maelezo kutoka kwa mganga mkuu wa Wilaya ya Monduli Dr. Titus Mmasi wakati wa kutembelea mambanda mbalimbali ya upimaji wa kampeni ya Furaha Yangu,Wilayani Monduli.

Hali hii inaonesha kuwa bado jitihada inaitajika kuhamasisha wanaume wajitokeze zaidi katika upimaji na sio upimaji tu hata pia matumizi ya dawa kwani kati ya wagonjwa 90.9% wanaotumia dawa wanaume ni 86.2% tu na wanawake ni 92.9%.

Aidha, amesisitiza zaidi hata katika hatua ya kufubaisha VVU kwa wagonjwa wanaotumia dawa bado msukumo ni mdogo kwa wanaume kwa 84% kati ya wagonjwa 87.7%.

Mkuu wa Wilaya ya Monduli Idd Kimanta akipima msukumo wa damu (Presha) kama ishara ya uzinduzi wa kampeni ya Furaha Yangu, Wilayani Monduli.

Kupitia kampeni hii ya Furaha yangu yenye ujumbe wa Pima,Jitambue,Ishi itasaidia zaidi kuwahamasisha wanaume kupima kwa hiari.

Akitoa takwimu za upimaji katika kampeni hii kuanzia Agosti 17, 2018 wilayani Monduli mwakilishi kutoka Mkapa Foundation David Mnkhally amesema,jumla ya watu 5,730 ndio wameweza kupima na 29 ndio wamegundulika na maambukizi ya VVU.

Mkuu wa Wilaya ya Monduli Idd Kimanta akizungumza na wananchi wa Meserani (Hawapo Pichani) katika uzinduzi wa kampeni ya Furaha Yangu,Wilayani Monduli.

Ikiwa katika kata ya Monduli Juu jumla ya watu 2.987 wamepima na kati yao wanaume ni 1,206 sawa na 40.3% na wanawake ni 1,781 sawa na 59.6% na kata ya Meserani waliopima ni 2.743,wanaume ni 1,378 sawa na 50.2% na wanawake ni 1,365 sawa na 49.7%.

Kampeni hii ya Furaha Yangu ilizinduliwa rasmi mnamo Juni 2018 na Waziri Mkuu Kassim Majaliwa jijini Dodoma, na kwa mkoa wa Arusha zimezinduliwa rasmi Agosti 28, 2018 katika kata ya Meserani wilayani Monduli na itaendelea katika wilaya ya Ngorongoro.

Mganga Mkuu wa Mkoa Dr. Vivian Wonanji akizungumza katika uzinduzi wa kampeni ya "Furaha Yangu" Wilayani Monduli.


Mwakilishi kutoka Taasisi ya Mkapa Foundation David Mnkhally akisoma taarifa fupi kwa mgeni rasmi katika uzinduzi wa kampeni ya "Furaha Yangu",Wilayani Monduli.


Monday, August 13, 2018

VIJANA SHIRIKINI KATIKA KUJENGA UCHUMI WA VIWANJA

Naibu Waziri Ofisi ya Waziri Mkuu Sera,Bunge, Kazi,Ajira, Vijana na wenye Ulemavu, Antony Mavunde akiteta jambo na mwakilishi Mkazi kutoka UNFPA  Bi.Jaqueline Mahon,katika kilele cha siku ya vijana,Meru Arusha.

Bilioni 15 zitatumika  kukuza ujuzi kwa vijana zaidi ya milioni 4.4 nchini, ili kuwawezesha vijana kuwa na uwezo wa kushiriki shughuli za uchumi wa viwanda.
Yamesemwa hayo na naibu waziri ofisi ya waziri mkuu, sera,bunge,ajira,vijana na wenye ulemavu Mheshimiwa Antony Mavunde,alipokuwa akihutubia vijana katika kilele cha ziku ya vijana kimataifa Mkoani Arusha.
“Vijana mnatakiwa kuwa mstari wa mbele kushiriki katika shughuli za ukuzaji wa uchumi wa viwanda“.
Serikali imeshaweka kipaombele katika kukuza ujuzi kwa vijana ili kuwapa uwezo wakushiriki shughuli mbalimbali za uzalishaji mali na kuwasaidia kukuza uchumi wao.

 Amesema ukosekanaji wa ujuzi ndio changamoto kubwa inayowakabili vijana wengi kwa sasa, kwani tafiti za  mwaka 2014 zinaonesha kuwa 3.5% ya watu wana ujuzi wa juu, 16.6% wana ujuzi wa kati na 76.9 wana ujuzi wa chini kabisa.

Amesema viwango vya kimataifa vinatambua ujuzi katika 12% uwe wa juu,34% wa kati na 54% niwa chini, hivyo nchini yetu bado inakazi kubwa sana katika kuhakikisha tunafikia kiwango hicho cha kimataifa.

Amewasisitizia vijana wote nchini kuakikisha wanatunza afya zao kwani bado kiwango kikubwa cha maambukizi ya virusi vya ukimwi (VVU) kipo kwa vijana.

Mkuu wa Mkoa wa Arusha Mrisho Gambo,amewataka vijana wasikubali kutumika na watu kwa mambo mbalimbali kama yakisiasa, amesema vijana wanatakiwa kuwa makini katika maamuzi wanayoyataka kuyafanya ili waweze kuamua vitu vyenye tija.

Vijana wakiingia katika viwanja vya chuo cha Patandi kwa Maandamano katika kilele cha siku ya vijana duniani,Arusha.

 Gambo amesema mkoa unaendelea kusimamia shughuli na maelekezo mbalimbali yanayotolewa na serikali ya awamu hii ya tano.
Nae Mkuu wa Wilaya ya Arumeru Jerry Muro ambae ndie alikuwa mwenyeji wa maadhimisho hayo ya kilele cha siku ya vijana, amesema wilaya yake imeshatenga ekari 3000 kwenye eneo la Malula kwa ajili ya uwekezaji na vijana ndio watapewa kipaombele cha kupewa maeneo hayo.

Ameishukuru serikali ya Mkoa kwa kuleta maonesha hayo katika wilaya yake na amesema wananchi wa Arumeru wamefurai na wamepata elimu ya kutosha.

Maadhimisho ya siku ya vijana kimataifa yalianzishwa rasmi na umoja wa mataifa kwa lengo la kutoa fursa kwa vijana kujadili maswala mbalimbali yanayowahusu na kuyatafutia majibu na huanzimishwa kila mwaka Agosti 12 ambapo mwaka huu 2018 yameadhimishwa Mkoani Arusha.

Mheshimiwa Antony Mavunde akiteta jambo na Mkurugenzi Mtendaji wa taasisi ya DSW bwana Peter Owaga katika kilele cha siku ya vijana,Arusha.


Friday, August 3, 2018

HUDUMA YA MALIPO KABLA YA MAJI YAZINDULIWA RASMI ARUSHA

Waziri wa Maji Prof. Makame Mbarawa (mwenye suruali ya jinsi) akizindua rasmi matumizi ya malipo kala ya maji kwa mkoa wa Arusha katika ofisi ya Mkuu wa Mkoa wa Arusha (kushoto kwake) ni Mkuu wa Mkoa wa Arusha Mrisho Gambo na viongozi wengine wa Mkoa na Wilaya..


Waziri wa Maji Prof. Makame Mbarawa akiangalia kifaa kitakachotumika kuingiza namba za malipo ya maji.


Prof. Makame Mbarawa akizungumza na viongozi wa Mkoa na Wilaya baada ya  kuzindua rasmi matumizi ya malipo kabla ya maji, katika ofisi ya Mkuu wa Mkoa Arusha.


Hiki ndicho kifaa kitakachotumika kulipia malipo ya maji pamoja na mita ya kusoma spidi ya maji.


Wednesday, August 1, 2018

WAKUU WAPYA WA WILAYA WAAPISHWA

Mkuu wa Wilaya ya Arumeru Jerry Muro, akitoa salama zake baada ya kuapishwa rasmi kama mkuu mpya wa Wilaya hiyo.


Mkuu wa Mkoa wa Arusha Mrisho Gambo akiteta jambo na  Mkuu wa Wilaya ya Arumeru.


Mkuu wa Mkoa wa Arusha Mrisho Gambo akimpa mkono wa pongezi Mkuu mpya wa Wilaya ya Arumeru Jerry Muro baada ya kuapishwa katika ukumbi wa ofisi ya Mkuu wa Mkoa.


Mkuu wa Wilaya ya Longido Mhe. Frank James Mwaisumbe akila kiapo mbele ya Mkuu wa Mkoa wa Arusha Mrisho Gambo, halfa hiyo ilifanyika katika ukumbi wa mkuu wa mkoa.


Mkuu wa Wilaya ya Longido Frank James Mwaisumbe kitoa salama zake baada ya kuapishwa kuwa mkuu wa wilaya hiyo.


Mkuu wa Wilaya ya Arumeru Jerry Cornel Muro akila kiapo cha utumishi katika nafasi yake ya ukuu wa wilaya mbele ya Mkuu wa Mkoa wa Arusha.



Saturday, July 28, 2018

MIRADI MINGI YA MAJI HAINA UHALISIA WA THAMANI

Waziri wa Viwanda,Biashara na Uwekezaji  Mhe. Stella Manyanya (MB), akipanda mtu kama ishara ya uzinduzi wa sherehe za miaka 50 ya bodi ya Wahandisi tangu kuanzishwa, pembeni yake ni viongozi mbalimbali walioshiriki katika kongamano hilo jijini  Arusha.


Waziri wa Viwanda,Biashara na Uwekezaji Mhe. Eng. Stella Martin Manyanya (MB) amewaagiza mafundi Sanifu kufanya kazi kwa uwaminifu kwa simamia miradi vizuri.
Ameyasema hayo alipofungua kongamano la kuadhimisha miaka 50 ya bodi ya wahandisi nchini katika ukumbi wa Arusha Tekiniko (Arusha Tech), jijini Arusha.
“Miradi mingi ya halmashauri hasa ya maji haina uhalisia wa gharama zake na wasimamizi wakuu ni nyinyi mafundi Sanifu, niwakati sasa umefika mkafanye kazi zenu kwa uwaminifu”.
Aidha, ameiagiza bodi ya mikopo ya elimu ya juu kuhakikisha inatoa mikopo kwa mafundi sanifu ilikuongeza idadi yao kwani kwasasa wapo 927 ni wachache sana kulingana na mahitaji ya nchi.
Serikali inawathamini na kutambua mchango unaotolewa na mafundi sanifu katika kujenga uchumi wa viwanda, hivyo tumuunge mkono rais wetu kwa juhudi zake anazozionyesha.
Mafundi Sanifu,Mchundo na wahandisi ndio watakaoisaidia serikali kufanikisha ujenzi wa viwanda na kuifanya nchi yetu kuingia katika uchumi wa kati wa viwanda.
Bodi ya wahandisi imefanya kongamano lake kwa mala ya kwanza na hii ni moja yakuadhimisha miaka 50 ya bodi hiyo tangu kuanzishwa kwake mwaka 1968 na maadhimisho yatafanyika Dodoma Septemba 5-7,2018.


Baadhi wa Wahandisi wakimsikilia mgeni rasmi, waziri wa Viwanda,Biashara na Uwekezaji Eng.Stella Manyanya( hayupo pichani) katika  kongamano la miaka 50 ya bodi ya wahandisi,Jijini Arusha.

Waziri wa Viwanda,Biashara na Uwekezaji Eng. Stella Manyanya akihutubia katika kongamano la wahandisi lililofanyika jijini Arusha.


Monday, July 23, 2018

KANGE LUGOLA ZIARANI ARUSHA

Katibu Tawala wa Mkoa wa Arusha Richard Kwitega,akisalimiana na Waziri wa Mambo ya ndani Kange Lugola alipowasili katika ofisi ya Mkuu wa Mkoa Arusha.


Waziri wa Mambo ya ndani Kange Lugola akisaini kitabu cha wageni katika ofisi ya Mkuu wa Mkoa,Pembeni yake ni Mkuu wa Mkoa wa Arusha, Mrisho Mashaka Gambo.


Waziri wa Mambo ya ndani Kange Lugola akitia saini katika kitabu cha wageni cha ofisi ya Mkuu wa Mkoa Arusha.

Katibu Tawala Msaidizi upande wa Utawala na Rasilimali watu David Lyamongi akisalimiana na Waziri wa mambo ya ndani Kange Lugola alipowasili katika ofisi ya Mkuu wa Mkoa wa Arusha.


UZINDUZI WA KAMPENI YA UPIMAJI BURE YA MAGONJWA YASIYOAMBUKIZA.

Baadhi ya watumishi wa umma wakipata semina  ya magonjwa sugu yasiyoambukiza katika viwanja vya Azimio Arusha.



Mganga Mkuu wa Mkoa Dr. Vivian Wonanji akipimwa msukumo wa damu (Pressure) kama ishara ya uzinduzi wa kampeni ya upimaji magonjwa sugu yasiyoambukizwa kwa Mkoa wa Arusha.


Shekh Mkuu wa Mkoa wa Arusha  Shaban Bin Juma ,akipimwa msukumo wa damu katika kampeni ya upimaji bure wa magonjwa sugu yasiyoambukiza, Jijini Arusha.


Friday, July 20, 2018

UPIMAJI MAGONJWA SUGU YASIYOAMBUKIZA



SHULE ZILIZOIBUKA KIDEDEA MATOKEO KIDATO CHA SITA


Shule ya Sekondari Kisimiri iliyopo Halmashauri ya Wilaya ya Meru ,Mkoani Arusha  imefanya vizuri kwenye matokeo ya kidato cha sita  kwa kushika nafasi ya  pili kitaifa kati ya shule 543 zilizofanya mtihani huo, huku shule ya Sekondari Kibaha ikishika nafasi ya kwanza na shule ya Sekondari Kemebos ikishika nafasi ya tatu,hii ni kwa mujibu wa matokeo yaliyotangazwa na baraza la mitihani Taifa.
Aidha matokeo haya ya shule ya Sekondari Kisimiri ni mwendelezo wa historia ya kufanya vizuri katika matokeo ya mitihani hiyo ya kidato cha sita kwani kwa miaka 3 mfululizo imekuwa kwenye kundi la shule tatu bora kitaifa ,ambapo mwaka 2016 ilishika nafasi ya kwanza,mwaka 2017 ikashika nafasi ya tatu na kwa mwaka huu 2018 imeshika nafasi ya pili kitaifa kwa watahiniwa wake 67 kupata daraja la kwanza na la pili ikiwa 51 kati yao wamepata daraja la kwanza na 16 kupata daraja la pili.
Nuru ya shule hii ya Sekondari Kisimiri yazidi kuangaza kwenye Mkoa wa Arusha wenye shule 17 zenye watahiniwa zaidi ya 30 za Serikali na Binafsi 14.Shule zenye watahiniwa chini ya 30 kwa mkoa wa Arusha zipo 13 ikiwa shule 1 tuni ya serikali na 12 ni binafsi.
Ufahuru huu umepelekea Mkoa wa Arusha kupata shule nyingi zilizofanya vizuri katika mtihani wa kidato cha sita,mbali na Kisimiri shule nyingine 10 zilizofanya vizuri  zenye watahiniwa zaidi ya 30 ni;Iluboru,Embarway,Mlangarini,Gawako,Loliondo,Engutoto,Irikisongo,Maji ya chai,Nainokanoka.Shule iliyofanya vizuri yenye watahiniwa chini ya 30 ni Mwandet.
Hata hivyo baadhi ya  shule katika Mkoa wa Arusha zinatakiwa kuongeza juhudi katika kuinua kiwango cha ufauru nazo ni; shule ya sekondari Florian na Makiba.


Friday, July 13, 2018

MIMBA MASHULENI ZAKITHIRI

Mkuu wa Wilaya ya Karatu Theresia Mahongo (wa katikati) akiwa na Katibu Tawala Msaidizi Elimu Bwana Gift Kyando wakimsikiliza mwalimu  Mary Marimo akifafanua namna wanavyowafundisha watoto alama za barabarani katika halmashauri ya Monduli.



Viongozi wa Kata wa halmashauri zote za mkoa wa Arusha watakiwa kutafuta suluhu ya tatizo la mimba kwa wanafunzi wa shule za msingi na sekondari.

Akitoa maagizo hayo kwa niaba ya mkuu wa Mkoa wa Arusha,mkuu wa wilaya ya Karatu Theresia Mahongo katika kuhadhimisha siku ya kilele cha wiki ya elimu Mkoani Arusha.

Amesema changamoto kubwa iliyopo katika sekta ya elimu Mkoani Arusha ni mimba kwa wanafunzi hasa wa Sekondari,ambapo kwa mwaka 2017 wanafunzi 237 waligundulika kuwa na ujauzito ikiwa wanafunzi 50 ni wa shule za Msingi na 187 ni wa Sekondari.

Aidha,kuanzia Januari hadi Aprili 2018 jumla ya wanafunzi 97 waligundulika kuwa na ujauzito ambapo wanafunzi 17 niwa shule za Msingi na 80 wa Sekondari.

“Bado tatizo la ujauzito kwa wanafunzi wa kike ni changamoto kubwa hasa wa sekondari,wazazi bado mna jukumu kubwa hasa la kuhakikisha mnasimamia maadili ya watoto wenu na pia kuchangia fedha za chakula mashuleni ilikupunguza vishawishi kwa wanafunzi hawa”.

Mkuu wa Wilaya ya Karatu Theresia Mahongo akiwa na Katibu Tawala Msaidizi Elimu  Gift Kyando na Katibu Tawala wilaya ya Karatu Abas Kayanda wakipata maelekezo ya elimu vitendo kutoka kwa mwanafunzi Omary Ally wa shule ya Mwalimu Anna iliyopo wilayani Monduli .



Katibu Tawala msaidizi upande wa elimu bwana Gift Kyando,amesema changamoto nyingine iliyopo katika sekta ya elimu Mkoani Arusha ni baadhi ya watoto kutojua kusoma,kuhesabu na kuandika (KKK), kwa sababu watoto hao hawapatiwi elimu ya awali kwanza kabla ya kujiunga na elimu ya msingi.

Amesema mbali na changamoto hizo,elimu bure kwa Mkoa wa Arusha imesaidia kwa kiasi kikubwa kuongezeka kwa idadi ya uwandikishaji wa watoto darasa la kwanza.

Akisisitiza zaidi anasema mradi wa mpango wa kusaidia kusoma,kuandika na kuhesabu (LANES) umeweza kusaidia sekta ya elimu kwa kiasi kikubwa kwani mradi umeweza kuongeza Vitabu,Vifaa vya kufundishia na Vyombo vya usafiri,ambapo kila halmashauri itapatiwa kopyuta 3 za kusaidia utunzaji wa taarifa mbalimbali za wanafunzi.

Mkuu waWilaya ya Karatu Theresia Mahongo akimkabidhi mkuu wa shule ya Bwawani mwl. Revocatus Mmary Kopyuta zilitolewa kutoka kwenye mradi wa LENSI.

Juhudi kubwa inaitajika katika kutoa kipaombele kwa watoto wenye ulemavu, kwani Mkoa unajumla ya watoto wenye ulemavu 614 ambao wanaitaji kuwa na madarasa maalumu lakini pia bado kuna baadhi ya wazazi wanawaficha watoto hao manyumbani.

Bwana John Isiriri ni mmoja wa wazazi waliohudhuria kilele cha wiki ya elimu,amesema ni kweli kuna tatizo kwa watoto wenye ulemavu kwa kutopewa kipaombale tokea katika ngazi ya familia zao na hivyo kupelekea wengi wao kukosa elimu.

Pia amesema tatizo la ujauzito kwa watoto wa kike bado ni changamoto kwa watoto wao hasa wa sekondari, lakini wazazi sasa wanatakiwa kusimamia maadili ya watoto wao na pia kuchangia chakula mashuleni ili kupunguza vishawishi kwa watoto wa kike.

Maadhimisho ya kilele cha wiki ya elimu hufanyika kila mwaka na mwaka huu 2018 kimkoa yamefanyika katika wilaya ya Karatu kwa lengo la kuhamasisha utoaji wa elimu bora kwa shule za mkoa wa Arusha.